Sot do të rikthehen ndeshjet e kampionateve kryesore evropiane, pas pushimit të mbrëmjes të së hënës për shkak të ceremonisë së ‘Topit të Artë.
Sot në Premier League dhe në Seria A do të zhvillohen tre takime që pritet të tërheqin vëmendjen e tifozerisë shqiptare.
Mbrëmjen e sotme në Premier League në orën 20:30 do të zhvillohet ndeshja e javës së 14 midis Newcastle dhe Norwich.
Nuk dihet ende nëse lojtari i Kombëtares së Kosovës, Milot Rashica do të jetë pjesë e formacionit startues, por me shumë mundësi do të ketë minuta në dispozicion. Skuadra e tij aktualisht renditet në vend të 19 të tabelës së Premier League me 9 pikë, ndërsa kundërshtari i kësaj sfide qëndron në vend të fundit me 6 pikë.
Ndërsa në Seria A Atalanta e mbrojtësit të Kombëtares shqiptare, Berat Gjimshtit do të ndeshet në orën 18:30 me Venezian për takimin e javës së 15 të këtij kampionati. Lojtari shqiptar është titullar i padiskutueshëm i ekipit italian dhe pritet që edhe këtë sfidë ta nisë që nga minuta e parë.
Atalanta është duke kaluar një periudhë shumë të mirë, duke u renditur në vend të 4 të tabelës së Seria A me 28 pikë, teksa kundërshtarët e tyre të kësaj sfide qëndrojnë në pozicionin e 16 me 15 pikë.
Në orën 20:45 po në kampionatin italian do të ndeshte skuadra e një tjetër lojtari ‘Kuqezi’. Salernitana e Frederik Veselit do të ndeshet me ekipin e Juventusit për raundin e 15, në një takim që pritet të jetë shumë sfidues, ndërsa nuk dihet nëse shqiptarit do i besohet të luajë që në minutën e parë./K.T/Gijotina.com
Discussion about this post