Arnold Schwarzenegger do të tregojë historinë e jetës së tij, në serialin e ardhshëm dokumentar me tre pjesë “Arnold”, i cili pritet të dalë të mërkurën, më 7 qershor.
Është zbuluar se në serial, Schwarzenegger do të kujtojë dhe diskutojë momentin kur ish-gruaja e tij u përball me të për lidhjen e tij të jashtligjshme.
Aktori 75-vjeçar do të tregojë se si “zemra e tij ndaloi” kur gruaja e tij Maria Shriver zbuloi se ai kishte një fëmijë me shërbëtoren e tyre Mildred Baena.
Në vitin 1996, Schwarzenegger ishte i lidhur me kujdestaren e shtëpisë Mildred Baena, e cila mbeti shtatzënë dhe priti një fëmijë nëntë muaj më vonë, që ndodhi vetëm pesë ditë pas lindjes së djalit të Shriver dhe Schwarzenegger, Christopher.
Në atë kohë, askush nuk e dinte se djali i Baenës ishte në të vërtetë fëmija i aktorit të famshëm ose se Christopher ishte gjysmë vëllai i tij.
Por ndërsa djali i shërbëtores së shtëpisë, Jozefi, u rrit, Baena vuri re se ai i ngjante shumë aktorit të famshëm me të cilin kishte qenë në një lidhje disa muaj para se të priste djalin e saj.
Vetëm në vitin 2010, kur Jozefi ishte 13 vjeç, ai mësoi se kush ishte babai i tij biologjik, gjë që u njoftua nga mediat. Schwarzenegger tani është hapur në lidhje me këtë ngjarje, dhe se si “zemra e tij ndaloi ” kur ish-gruaja e tij u përball me të për lidhjen në një seancë këshillimi, raporton US Sun.
Discussion about this post