Nga Indrit Vokshi
– Zgjatja e vettingut nuk është marrëveshje PD-PS. Është marrëveshje e PD dhe PS me shtetet dhe entitet e botës “Euro-Atlantike”.
Janë ata që e kanë ideuar dhe financuar reformën në drejtësi. Nuk është produkt i yni me iniciativë të brendshme. Këto akuzat sikur kjo është marrëveshje mes dy politikanëve këtu janë qesharake.
-SHBA, BE, Gjermania, OSBE, deklaruan bashkarisht se votimi në parlament i zgjatjes së vettingut është hap drejt integrimit europian. Dmth futjes së Shqipërisë në strukturat dhe sistemin që kanë krijuar SHBA dhe Europa (kemi shumë përfitime nëse futemi).
Katër shtete dhe entitete botërore fliskan për interes të Edi Ramës? Marrëzira.
– Ballkani Perendimor është qarkuar si zonë influence e SHBA-BE. Edhe ne e kemi pranuar veten si zonë influence të botës euro-amerikane.
– Prandaj ne sot nuk mund ta pranojmë propagandën që synon ta minojë praninë dhe reputacionin e shteteve në fjalë, vetëm se këto shtete nuk nuk i njohin më si partnerë politikanët të cilët e filluan politikën në vitin 1990 por, duan partnerë të rinj politikë.
– Të mos harrojmë, kur kemi pasur e kur kemi hall kombëtar, shkojmë përplasemi tek Amerika. Ata na çliruan Kosovën. Madje edhe së fundmi ata hoqën trupat serbe nga kufiri me Kosovën. Çdo teprim ambasadorial është shumë i vogël para këtij realiteti. Kush flet duke e pasur mendjen në nivel kombëtar, them se e sheh kështu. Kush flet duke e pasur mendjen të mbytur në inate, mllefe ose në detyrime dhe borxhe ndaj shteteve paralele sunduese, gjen çfarëdolloj bishti dhe devijimi.
Discussion about this post