Deputeti i Partisë Demokratike Flamur Noka është proceduar nga Policia e Tiranës, pasi denoncoi se banda e Xhabaftëve po intimidojnë votuesit në një qendër votimi në Vorë.
Në një njoftim për mediat, policia thotë se nisi procedimin penal në gjendje të lirë për Sekretarin e Përgjithshëm të Partisë Demokratike, për veprën penale “Kanosja/dhunimi ndaj pjesëmarrësve në zgjedhje”.
Policia shton se “procedimi në gjendje të lirë nisi pasi në bazë të kallëzimeve të shtetasve Xh. A., 29 vjeç dhe M. D., 33 vjeç, ky shtetas ditën e sotme, në Vorë, i ka penguar dhe kanosur për të ushtruar të drejtën e votimit”. “Materialet procedurale do t’i referohen Spak, për hetime të mëtejshme”, mbyllet njoftimi i bluve.
Më herët, pati një përplasje verbale mes Nokës dhe disa personave që Noka i identifikoi si banda e Xhabaftëve, të cilët shprehën mbështejen hapur për Ramën gjatë incidentit.
Noka sqaroi se shkoi në qendrën e votimit pas informacioneve se e gjithë banda e Xhabaftëve e pajisur me bexhe të KQZ si vëzhgues janë instaluar tek shkollat dhe po kontrollojnë çdo gjë në procesin e votimit.
Pas incidentit, Noka tha se personat me të cilët është përplasur janë “shoferi i Bert Xhabaftit dhe një shoqërues”. Noka deklaroi se këta persona “janë urdhëruar nga Rama të punojnë për Blendi Gonxhen”.
Rasti u filmua nga media dhe shënoi zbulimin e një parregullsie në këto zgjedhje parlamentare, ndërsa KQZ urdhëroi heqjen e akreditimit të të gjithë vëzhguesve për KZAZ-në nr. 27 në Bashkinë Vorë. Përjashtim bëjnë vëzhguesit ndërkombëtarë dhe mediat.
E shpjeguar thjesht, Noka zbuloi një skandal: Veprimtarinë e paligjshme të bandave për llogari të pushtetit në qendra votimi me bexhe të dyshuar të falsifikuar, bazuar në kallëzimin e bandave.
Nga ana tjetër, policia vihet nën urdhrat e bandave dhe procedon deputetin që zbuloi skandalin.
Ndërkohë, asnjë masë ligjore për bandën që dyshohet se intimidonin votuesit në Vorë.
Lexo edhe:
Discussion about this post