Një tjetër agjent ka qëlluar për vdekje një afrikano-amerikan duke rikthyer edhe njëherë reagimet e forta kundër përdorimit të dhunës nga policia. Ngjarja mësohet të ketë ndodhur më 4 prill në Grand Rapids, Michigan, por pamjet janë bërë publike vetëm orët e fundit.
“Lëre atë,”- dëgjohet të bërtasë polici. Më pas nxjerr armën dhe e godet në kokë 26-vjeçarin. I riu ishte ndaluar për një kontroll rutinë në rrugë.
Transmetimit të videos i ka paraprirë një demonstrate para komisariatit. Qindra njerëz dolën në rrugë për të kërkuar drejtësi për Loyola duke thirrur “Jetët e të zinjve kanë rëndësi” dhe “Pa drejtësi nuk ka paqe”.
“Edhe një herë na kujtohet se sa shpejt ndërveprimi me policinë mund të jetë fatal për një afrikano-amerikan në Shtetet e Bashkuara,”- thotë avokati i të drejtave civile Benjamin Crump, i cili trajtoi edhe çështjen e George Floyd, fytyra e lëvizjes “Black Lives Matter”.
Discussion about this post