“Kurioz për impaktin e kryebashkiakut arkitekt”, Rama uron kryetarin e ri të komunës së Prishtinës

Kryeministri Edi Rama, me anë të një postimi në Twitter, ka uruar për fitoren Përparim Ramën, për fitoren e komunës së Prishtinës.

Në urimin e tij, Rama thotë se është shumë kurioz për impaktin që mund të ketë një kryebashkiak arkitekt, duke i uruar sukses në krye të komunës së Prishtinës.

“Shumë kurioz për impaktin që do të ketë në Prishtinë një kryebashkiak arkitekt, risi interesante në një realitet sfidues! Urime Përparim Ramës dhe mbarësi e sukses atij dhe të gjithë të zgjedhurve të rinj në krye të komunave të Kosovës” – shkruan Rama.

Përparim Rama është kryetari më i ri i komunës së Prishtinës, pas fitores së arritur në raundin e dytë të zgjedhjeve lokale në Kosovë, ndaj kandidatit të LVV-së, Arben Vitia.