Rrahmani ‘shtang’ Greqinë, Kosova rrëmben barazimin në Athinë

Kosova këtë mbrëmje ka mbyllur pjesmarrjen e saj në eliminatoret e Kupës së Botës me përballjen kundër Greqisë në transfertë.

Dardanët e mbylën këtë takim me barazimin 1-1 kundër helenëve, ku nuk mundën të bëjnë më shumë edhe pse loja e tyre ishte në nivele të larta, ku rrezikuan portën kundërshtare që në minutat e para me Rashicën.

Rezultati i këtij takimi u zhbllokua në minutën e 44 falë golit të Masouras, por Kosova do të tregonte që barazimi në ‘Fadil Vokrri’ kundër tyre nuk ishte i rastësishëm.

Rrahmani arrin të gjejë rrjetën në minutën e 76’ falë një aksioni të nisur nga Zhegrova duke barazuar shifrat e takimit në 1-1, me Kosovën që e mbyll me nder këtë fazë të kualifikueseve të Botërorit Katar 2022, ku arriti të grumbullojë vetëm 5 pikë.