Kurti lavdëron Dua Lipën: Diplomatja më e mirë që Kosova mund të kishte kërkuar

Kryeministri i Kosovës, Albin Kurti, me anë të një postimi në Twitter, ka reaguar për çmimin që Dua Lipa fitoi në Këshillin Atlantik në SHBA.

Kurti e ka quajtur këngëtaren si një aktiviste që frymëzon lëvizjet për ndryshim dhe si diplomaten më të mirë që Kosova mund të ketë pasur.

“Dua Lipa nuk është vetëm këngëtare e famshme. Ajo është një aktiviste që frymëzon lëvizjet për ndryshim dhe është diplomatja më e mirë që Kosova mund të kishte kërkuar dhe shpresuar ndonjëherë. Urime për tuajin çmimin në Këshillin Atlantik. Ju jeni një frymëzim dhe vendi juaj është krenar për ju”- ka shkruar Kurti.

.@DUALIPA is not just world most celebrated singer, she is an activist that inspires movements for change, and she is the best diplomat that Kosova could ever asked & hoped for.
Congratulations on your @AtlanticCouncil award.
You are an inspiration & your country is proud of you. pic.twitter.com/QgxTJZppQD
— Albin Kurti (@albinkurti) November 11, 2021

Këngëtarja shqiptare, me famë tanimë të madhe ndërkombëtare, Dua Lipa, mbrëmjen e djeshme ka qenë prezente në Këshillin Atlantik me një sërë personalitetesh të famshme.

E shoqëruar nga presidentja e Kosovës, Vjosa Osmani, në “Distinguished Leadership Awards”, ajo u nderua me çmimin “Artistja e shquar e vitit 2021”.

Pasi pranoi çmimin, ylli shqiptar nuk ka munguar me një fjalim duke u shprehur me krenari të madhe për Kosovën, kulturën, të rinjtë e po ashtu edhe për liberalizimin e vizave. / O.B / Gijotina.com