Kryeministri i Kosovës, Albin Kurti, ka reaguar për zhvillimet e fundit rreth barrikadave në veri të Kosovës që kanë filluar të hiqen sot.
Kurti është shprehur se nuk është dashur ndërhyrja e Policisë së Kosovës dhe se mesa duket sipas kreut të qeverisë së Kosovës, vendosja dhe heqja e barrikdave ka qenë vendim i pavaruar i Serbisë.
“Barrikadat po hiqen, të dielën e thamë që është çështje ditësh është kur do të largohen, edhe më mirë që kjo do të bëhet pa ndërhyrjen e Policisë sonë. Vet i vunë barrikadat, vet i hoqën ato, me fjalë të tjera janë lodhur ata të cilët e bllokuan veten”, tha ai.
Pika kufitare Merdare dhe lagja e Boshnjakëve është liruar nga barrikadat. Sakaq, rruga në Rudarë të veriut të Kosovës vijon të jetë e bllokuar nga barrikada me kamionët dhe mjetet e artilerisë së rëndë. Kjo rrugë të çon në pikën kufitare Kosovë-Serbi. Edhe pse presidenti serb më herët paralajmëroi se bllokimet në pikat kufitare të veriut do të hiqen, prej mëngjesit të sotëm vetëm pika kufitare Merdare dhe lagja e Boshnjakëve është liruar, ndërsa rrugët e tjera vijojnë të jenë të bllokuara.
Discussion about this post