Kryeministri i Kosovës, Albin Kurti, ka zbuluar detaje të reja nga takimi i Ohrit me presidentin e Serbisë Aleksandar Vuçiç.
Në një postim në Twitter, Kurti shprehet se presidenti serb e ka refuzuar ofertën e tij për vetëmenaxhim të serbëve të Kosovës pas refuzimit të nënshkrimit të Marrëveshjes së 27 shkurtit në Bruksel dhe para se të refuzonte Aneksin e propozuar në Ohër.
“Pas refuzimit të nënshkrimit të Marrëveshjes së 27 Shkurtit dhe para se të refuzonte përsëri nënshkrimin e saj me Aneksin e 18 Marsit, presidenti i Serbisë refuzoi ofertën time bujare të vetëmenaxhimit për serbët e Kosovës në një asociacion që unë do ta hartoja dhe propozoja. A është ai Dr. Jo apo z. Nyet? E dimë që ai nuk është mjek”, shkruan kreu i qeverisë në postimin e tij.
Discussion about this post