Portieri i skuadrës së Real Madrid, Kurtua ka dalë në mbrojtje të bashkëkombasit të tij Eden Hazard i cili po kalon një moment shumë delikat në karrierën e tij për shkak të dëmtimeve.
“Unë e njoh Eden prej shumë kohësh dhe e di se ëndrra e tij ka qenë të luante për Real Madrid. Është për të ardhur keq që nuk ka funksionuar ashtu si të gjithë e prisnin. E shoh që ai ka dëshirën dhe kërkon të ndihmojë skuadrën. Ai po kërkon të përmirësohet, por nuk është e lehtë të jesh në formë kur ke luajtur shumë pak minuta në dy vite e gjysmë.
Gjatë gjithë karrierës së tij ai e ka treguar se është një nga më të mirët në botë. E di që këtë nuk e ka treguar së fundmi, por talenti nuk është zhdukur dhe jam i sigurt se do të rikthehet ai që që të gjithë njohim. Ndaj, nuk mund ta bëjmë të besojë se ai është një lojtar mesatar sepse Hazard nuk është i tillë”, tha Kurtua.
Discussion about this post