Kurum International paralajmëron mbylljen pas skandalit me dy anijet me 816 ton të dyshuara mbetje toksike të dala nga KURUM në Elbasan, dhe nga porti i Durrësit janë transportuar drejt Tajlandës.
E ndërsa prokuroria e Durrësit ka nisur hetimet, dhe i gjithë aparati shtetëror po hetojne çështjen, kompania bëri lëvizjen e papritur duke mbyllur dyert për 500 punëtorë dhe pezulluar aktivitetin.
Kjo ndodh për herë të dytë qysh nga vitit 2016, kur kompania turke KURUM kërkoi të shpallte falimentin për shkak të kredive të pashlyera, pagave të papaguara dhe taksave të pashlyera.
Si e justifikoi KURUM mbylljen e uzinës?
Kompania turke jo zyrtarisht deklaroi dje se puna në Uzinën e Çelikut është ndërprerë prej më shumë se 1 jave. Shkak është bërë rritja e kostos së prodhimit të çelikut, duke bërë që të mos jemi konkurrues me tregun e Kinës dhe Turqisë. Për këtë thuhet se janë lajmëruar punonjës dhe është bërë marrëveshja e sindikatën e punonjësve për ndërprerjen e punës. Janë bërë diskutime prej 10 ditësh pasi o bëhet një ristrukturim i prodhimit tek Uzina e Çelikut për të qenë konkurrues në treg për shkak të kosotove të larta.
Qeveria kërkon kryerjen e analizave, nëse janë mbetje të rrezikshme apo jo?
Në deklaratën e përbashkët të bërë publike dje nga ministria e Infrastrukturës dhe Energjisë si dhe nga ministria e Turizmit dhe Mjedisit theksohet se “dy operatorët ekonomikë, njëri në Shqipëri dhe tjetri në Kosovë po bëjnë përpjekje të dukshme për t’iu shmangur përgjegjësive, ndaj pritja e rezultatit të hetimeve dhe analizave përkatëse do të ishte më mirë se sa të ngarkohen me përgjegjësi agjencitë ligjzbatuese. Ngarkesa e bllokuar në Tailandë po kthehet mbrapsht dhe anijet janë ende është në udhëtim, por autoritetet shqiptare kanë deklaruar se nuk do ti pranojnë pa u kryer analizat dhe verifikimet përkatëse.
Prokuroria e Durrësit prej 16 gushtit ka nisur hetimet, në bashkëpunim me Zyrën Europiane kundër Mashtrimit Ekonomik (OLAF). Hetimi ka nisur për dyshime mbi kontrabandë me mallra të ndaluara ose të kufizuara bazuar në materialet nga Drejtoria e Përgjithshme e Doganave, ndërsa Drejtoria e Policisë së Durrësit ka dorëzuar një tjetër material hetimor nën dyshimet për transportim të mbetjeve dhe shpërdorim i detyrës.
Në vitin 2022, çmimet e larta të energjisë detyruan Kurum të mbyllte përkohësisht disa aktivitete. , Ajo është kompaninë e tretë më të madhe në vend nga të ardhurat, pas OSHHE dhe “Kastrati group” si dhe eksportuesi më i madh. Në atë kohë ka mbyllur përkohësisht fabrikën e çelikut dhe të petëzimit.
gijotina.com/
Discussion about this post