Jude Bellingham është nga ata emra që nuk kishte si të mos binte në sy gjatë kampionatit Europian. Ndonëse në moshë shumë të re, vetëm 18 vjeç ai shihet si e ardhmja e Anglisë.
Të shumtë janë zërat kritikë ndaj trajnerit Gareth Southgate për faktin që nuk e aktivizoi në finalen me Italinë.
Megjithatë duket se të parët që e dalluan talentin e mesfushorit ishte klubi gjerman i Borussia Dortmund. Ata nënshkruan me Bellingham kur ishte 17 vjeç dhe tashmë vlera e tij ka shkuar në rreth 130 milionë paund.
“Nëse ai vazhdon të performojë në të njëjtin nivel, unë nuk e shoh atje (në Dortmund) për shumë kohë. Nëse United po kërkon një zëvendësim për Pogban, Bellingham është njeriu i tyre. Ai tashmë është një lojtar prej 100 milionë funtash dhe është vetëm 18 vjeç… Kur ata presin më shumë, çmimi është më i lartë. Nëse prisni shumë, do të shkojë në 120-130 milion paund ,”-deklaroi gazetari Julien Laurens.
Ndërsa ai shihet si një nga emrat më premtues dhe më të rëndësishëm që do të ketë Kombëtarja e ‘Tre Luanëve’ në të ardhmen./K.T/Gijotina.com
