Një 31-vjeçar nga Burreli dyshohet si autor i vendosjes së eksplozivit biznesit të 58-vjeçarit Shaban Aga në zonën e Kënetës në Durrës mëngjesin e sotëm.
Sipas policisë, në fasadën e dyqanit të Shaban Agës dyshohet se Dardan Kadiu, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse, duke shkaktuar vetëm dëme materiale.
Dyshohet se ngjarja ka ndodhur si pasojë e një konflikti të mëparshëm mes djalit të Shaban Agës dhe Dardan Kadiut. Më konkretisht, dyshohet se shkak është bërë borxhi që djali i Agës i ka Kadiut dhe nuk ia ka kthyer ende, ndërsa konflikti i ka rrënjët në Angli.
Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje, ndërsa është shpallur në kërkim autori.
Discussion about this post