Aleksandër Dodani i arrestuar në Vaun e Dejës si i dyshuar për kultivim të lëndëve narkotike është djali i Gjergj Dodanit, i cili është akuzuar në vitin 2016 për trafik droge dhe i përjashtuar nga Policia e Shtetit. Pavarësisht të shkuarës me precedentë kriminale, Gjergj Dodani është emëruar sërish më vonë në detyra publike, ku ka mbajtur funksionin e shefit të komisariatit të Vaut të Dejës, ndërsa aktualisht është shef i policisë bashkiake në Bashkinë e Vaut të Dejës.
Ndërkohë, duket se lidhjet e Gjergj Dodanit me PS janë të thella, pasi ai shfaqet në aktivitetet e socialistë pranë zv.kryeministrit Erion Braçe.
Banorët e zonës kanë denoncuar më herët se Gjergj Dodani ka vënë në dispozicion të rrjetit kriminal makinat e policisë bashkiake që të ruajnë parcelat e mbjella me kanabis.
Për këtë më herët ka shkruar edhe ish kryeministri Sali Berisha.
Duket se e shkuara e tij kriminale nuk e ka penguar Gjergj Dodanin të mbajë detyra të rëndësishme si shef i komisariatit apo shef i policisë bashkiake në Vaun e Dejës, ndërsa i biri, Aleksander Dodani merrej me kultivimin e lëndëve narkotike, e njëjta veprimtari, për të cilën është akuzuar më herët dhe i ati.
