Në “vorbullën” e hetimeve lidhur me masakrën e Lushnjës ku mbetën të plagosur 5 persona dhe një tjetër u ekzekutua, është shtuar edhe dyshimi se ky i fundit, Bledar Muça është ndjekur nga autorët. I riu frekuentonte shpesh lokalin “Bar Pedonale” në qendër të Lushnjës ku u ekzekutua, ndaj jo më kot atentatorët e kanë kryer vrasjen në atë vend.
Viktima njihej si biznesmen i disa pronave në këtrë qytet ndërsa nga hetimet paraprake nuk rezulton me precedent penal deri në një konfirmim nga ana e uniformave blu për të shkuarën e tij. Theksojmë sërish se autorët të cilët dyshohet të kenë qenë tre kanë ndjekur itinerarin e biznesmenit, deri në ekzekutimin final të tij, ndërsa e kanë pësuar edhe 5 persona të tjerë, duke mbetur të plagosur rëndë./Gijotina.com/
