Kush është biznesmeni në Vlorë që u plagos me tritol, si i shpëtoi atentatit në 2017

Indrit Sadedini 34- vjeçari i cili ndodhet në gjendje të rëndë për jetën në spital, është një biznesmen në Vlorë.

Kjo nuk është hera e parë që ndaj Sadedinit është bërë një atentat, pasi edhe katër vite më parë përkatësisht në vitin 2017 i është vendosur një sasi e madhe eksplozivi në makinë, e cila nuk ka shpërthyer.

Sipas burimeve, 34-vjeçari i ka shpëtuar një tjetër atentati, ndërsa shkak janë bërë konfliktet e tij të mëparshme.

Theksojmë se si pasojë e shpërthimit, 34-vjeçari ka marrë plagë të rënda në gjymtyrë dhe është dërguar me urgjencë në spital. Sakaq, ishin banorët e lagjes të cilët të tronditur kanë njoftuar policinë, pas shpërthimit të fuqishëm.