Zbardhen detaje nga atentati në Vlorë. Burime bëjnë me dije se 34-vjeçariIndrit Sadedini është dërguar drejt Tiranës për një ndihmë të specializuar mjekësore, pasi ndodhet në gjendje të rëndë për jetën ndërsa dyshohet se si pasojë e shpërthimit ka humbur të dyja këmbët.
Policia po heton mbi të shkuarën e shënjestrës, i cili ka jetuar jashtë vendit për disa kohë. PO nga hetimet paraprake, mësohet se Sadedini nuk ka qenë i dënuar por ka disa precedentë të mëparshëm për shkak të përfshirjes në disa konflikte me persona të tjerë.
Ngjarja
Referuar dinamikës së ngjarjes, sipas gijotina.com autori që ka vendosur eksplozivin në garazhin e tij në pallatin ku ai jetonte ka qenë në afërsi të vendit të ngjarjes në momentin kur ka ndodhur shpërthimi. Pritet këqyrja e pamjeve të regjistruara nga kamerat e sigurisë për të mësuar detaje të tjera rreth ngjarjes. Ndërsa në afërsisë të fshatit Babicë është gjetur një mjet i djegur që dyshohet se është i autorit/autorëve të dyshuar për përfshirjen në atentat.
Discussion about this post