Me dorëheqjen e Mark Markut nga mandati i deputetit në kuvend hyn Elda Hoti.
Hoti ishte në Kuvend si pjesë e opozitës së re parlamentare dhe doli nga listat e LSI-së. Ndërsa tani rezulton të jetë e renditur e 9 në listën e Partisë Demokratike si kandidate e Partisë Republikane.
Kështu, në harkun kohor të tre viteve Elda Hoti ishte pjesë e listave të Lëvizjes Socialiste për Integrim, por pasi opozita e bashkuar mori vendim të djegë mandatet, Hoti vendosi të pranojë mandatin sapo erdhi radha e saj. Hoti qëndroi në Kuvend si pjesë e të ashtuquajturës “opozita e re parlamentare”.
Ndërkohë në zgjedhjet e 25 prillit Hoti ia doli të ishte pjesë e listës së Koalicionit Aleanca për Ndryshim, e 9 në renditje nën siglën e aleates së PD, Partisë Republikane të Fatmir Mediut.
Pas dorëheqjes së Mark Markut, Elda Hoti hyn në kuvend pasi arriti të sigurojë 2733 vota preferenciale në zgjedhje, ndërsa kandidatët e tjerë më pak se ajo.
