Katër shtetas shqiptarë dhe një shtetasi pakistanez janë arratisur mëngjesin e kësaj të hëne nga rajoni i policisë në Hania të Kretës. Sipas mediave ata u transferuan nga Athina të shtunën dhe sot do të dërgoheshin për të vuajtur dënimin në Qendrën e Paraburgimit në Chania, por gjatë natës ose mëngjesin e sotëm kanë arritur të arratisen nga qendrat e paraburgimit.
Sipas mediave greke, të burgosurit dyshohet se kanë hyrë në tualetin e qendrës së paraburgimit dhe pasi kanë prerë hekurat nga dritarja me një objekt të mprehtë, janë hedhur një nga një dhe kanë dalë në garazhin e nëndheshëm të Komisariatit të Policisë.
Mungesa e të pestëve është vënë re nga punonjësi i policisë së turnit të mëngjesit në numërimin standard.
Deri tani policia ka mundur të sekuestrojë vetëm fugonin me të cilin dyshohet se u larguan 5 të arratisurit.
Por kush janë 5 të arratisurit?
– Më i rrezikshmi është 35-vjeçari pakistanez i dënuar për vrasje seriale
– 43-vjeçari shqiptar i dënuar për organizatë kriminale, grabitje, grabitje vdekjeprurëse, vjedhje, armëmbajtje dhe përdorim,
– një shqiptar 32-vjeçar i dënuar për grabitje. ,
– një grabitës shqiptar 29 vjeçar
– si dhe një grabitës tjetër gjithashtu i dënuar për trafik droge
Discussion about this post