“Kushdo që sulmon demokracinë, do të më ketë kundërshtar”, mesazhi i Metës për politikën

Presidenti Ilir Meta ka shpërndarë mesazhin e presidentit të rizgjedhur të Gjermanisë, Frank-Walter Steinmeier, një mesazh që mund të konsiderohet si një paralajmërim për situatën politike në vend.

Përmes një postimi në ‘Facebook’ Meta ka kujtuar qëndrimin e Steinmeier për detyrën e tij të presidentit, duke e cilësuar si një mesazh të qartë për demokracinë.

“Një mesazh shumë i qartë i Presidentit të rizgjedhur të Gjermanisë, Frank-Walter Steinmeier për raportet që duhet të ketë një President me kauzën e demokracisë.”, shkruan Meta.

Ndërkohë, në mesazhin e presidentit gjerman thuhet; “Unë do të jem jopartiak, por nuk jam asnjanës kur bëhet fjalë për kauzën e demokracisë. Kushdo që lufton për demokracinë më ka në krah. Kushdo që e sulmon do të më ketë kundërshtar.”