Zhdukja e Ervis Martinaj eshte një nga ngjarjet që ka rrembyer vemendjen e të gjithe opinionit publik në javët e fundit. Teksa detaje të reja dalin ditë pas ditë, luani që Martinaj mbante në shtepi ka bërë gjithashtu xhiron e rrjetit.
Postimi më i fundit ka ardhur nga kushërira e tij, teksa ka pozuar me luanin dhe e ka shoqëruar me fjalinë: “Dhurata që i la familjes dhe shoqërisë Visi.”
Në një prej komenteve, ajo shkruan gjithashtu se “Visi nuk vdes kurrë“.
Por pse Martinaj mbante një kafshë të tillë?
Duket se kjo ka të bëjë më shumë më një model të bosëve të mëdhenj të biznesit ose të trafikut të drogës, të cilët kanë mbajtur shpesh në banesat e tyre këlyshë luani apo tigri.
Kjo për të treguar superioritet dhe më në modë kjo ide është në vendet e Amerikës Latine, ku gëlojnë kartelet e drogës.
Gjithashtu sjellim në kujtesë se edhe El Chappo, numri 1 i trafikut të drogës në botë, mbante këlyshë tigri dhe pas rënies së tij në burg, janë fëmijët që kujdesen për të.
Gazetari Artan Hoxha tha në ABC se Martinaj është vrarë pasi u “tradhtua” nga një personazh i njohur i krimit pranë Vorës. Sipas Hoxhës, Martinaj shkoi aty për të lidhur një aleancë kundër grupeve që e kishin vënë në shënjestër, por aty u shit te kundërshtarët dhe u mor nga një skuadër e veshur me uniformën e Forcave Speciale.
Çfarë ka ndodhur me Ervis Martinajn?
Policia nuk ka një version zyrtar në lidhje me çfarë ka ndodhur me të, megjithatë në media deri më tani kanë dalë dy versione kryesore. Një pjesë e gazetarëve të kronikës raportojnë duke iu referuar një videoje që ata thonë se e kanë parë, se Ervis Martinaj është kapur nga kundërshtarët e tij dhe është ekzekutuar. Ndërkohë, versioni tjetër lidhet me një skenar në lidhje me zhdukjen e tij me qëllim shmangien nga policia e cila e kishte shpallur në kërkim, por edhe prej kundërshtarëve pas vrasjeve të fundit në rrethin e tij shoqëror.
Discussion about this post