Buxheti i Ministrisë së Arsimit, Sportit dhe Rinisë për vitin 2022 do të jetë 6.2% më i lartë se buxheti i rishikuar i këtij viti.Sipas ministres së Arsimit, Evis Kushi kjo rritje e buxhetit vjen si nevojë për dixhitalizimin e universitetit.Gjithashtu, vitin që vjen është parashikuar që nxënësit e klasave të para, të dyta dhe të treta të marrin libra të rinj falas.
Teksa Kushi projekton dixhitalizimin e klasave me një shtesë në buxhet, opozita thekson se ky investim është i panevojshëm pasi nuk do të sjelli efikasitet në rritjen e cilësisë së arsimit.
Paralelisht, deputetja e Partisë Demokratike, Ina Zhupa theksoi se teksa flitet për dixhitalizim, periudha pandemike dhe mësimi online i gjeti studentët pa tableta.
Diskutime pati edhe në drejtim të pagave të pedagogëve, të cilët u konsideruan nga deputetët e opozitës si tejet të ulëta. Ndërkohë që, Kushi tha se në bazë të autonomisë, universitetet mund të parashikojnë dhe pagat.
Discussion about this post