Gjykata Kushtetuese ka vendosur që të marrë përsipër çështjen për “ligjin e zonave të mbrojtura”. Ky vendim u mor sot në seancën publike që u zhvillua nga kolegji i Gjykatës Kushtetuese për shqyrtimin e çështjes. Çështja u miratua me një shumicë votash nga 74 deputetë të mazhorancës, pavarësisht kundërshtimeve të opozitës dhe paralajmërimeve të dhëna nga organizatat mjedisore të Bashkimit Evropian.
Sipas aktivistëve, ky ligj rrezikon mjedisin duke shkaktuar dëmtime pa kthim të natyrës së mbrojtur, duke lejuar ndërtime të rënda brenda tyre për arsye ekonomike dhe turistike. Pavarësisht kërkesës së delegacionit të Bashkimit Evropian që i kërkoi Kuvendit të tërhiqte çështjen, pasi dispozitat binin ndesh me legjislacionit europian për mjedisin, kjo dispozitë u miratua.
Ndryshimet në ligjin “Për zonat e mbrojtura” u propozuan fillimisht nga një grup deputetësh të maxhorancës. Në variantin e ri, brenda Zonave të Mbrojtura do të lejohet ndërtimi strukturave të mëdha turistike dhe çdo veprimtari apo infrastrukturë tjetër mbështetëse në funksion të tyre. Ndërsa në ligjin e vjetër, këto aktivitete kanë qenë të ndaluara.
Discussion about this post