Gjykata Kushtetuese ka shtyrë seancën për ankimimin e disa deputetëve të PD për VKM e konfiskimit të pronave.
Në një kumunikim për mediat, pas përfundimit të seancës, deputeti Gazment Bardhi u shpreh se Këshilli i Ministrave bëri një pretendim absurd. Sipas tij, ata u shpreh se dy nga deputetët që kanë firmosur tashmë nuk janë më anëtarë të Parlamentit.
Bardhi u shpreh se “uron qe kjo te mos jetë taktike për të blerë kohë që Këshilli i Ministrave mos vazhdojë shantazhin ndaj anëtarëve të Gjykatës Kushtetuese”.
“Gjykata Kushtetuese vendosi të shtyjë seancën e sotme lidhur me një vendim antikushtetues të qeverisë që legalizon ndërtimet paligjshme të oligarkëve, kryesisht të kullave në qendër të Tiranës. Bazuar në nje vendim absurd i përfaqësuesve të Këshillit të Ministrave, mbi faktin që dy kolegët tanë kanë qenë në detyrë më pas kanë dhënë dorëheqjen. Kjo është një praktike për të zvarritur këtë çështje.
Do të duhet të kishim një shqyrtim shumë kohë më parë nga ana e Gjykatës, mesa duket Këshilli i Ministrave ka vendosur të zvarrisë këtë çështje.
Grupi i PD ka më shumë se 28 anëtarë dhe në çdo rast është gati të dorëzojë një kërkesë më 28 firma, por ky është një pretendim absurd i Këshillit të Ministrave dhe bëhet për të fituar kohë dhe për të zvarritur çështjen.
Uroj që mos jetë taktike për të blerë kohë që Këshilli i Ministrave mos vazhdojë shantazhin ndaj anëtarëve të Gjykatës Kushtetuese”, tha Bardhi.
Discussion about this post