Ditën e sotme, Kuvendi ka nisur seancën e radhës plenare me zgjedhjen e anëtarëve të Këshillit për Rregulloren, Mandatet dhe Imunitetin. Kryetarja e Parlamentit Lindita Nikolla ka lexuar emrat e përzgjedhur sot në seancën plenare, teksa janë pesë nga radhët e PS dhe pesë nga radhët PD. Po kështu janë zgjedhur 5 anëtarë zëvendësues.
Përfaqësues të PS janë zgjedhur Lindita Nikolla, Klotilda Bushka, Ermonela Felaj, Arben Pëllumbi dhe Taulant Balla. Në radhët e opozitës janë zgjedhur Gazment Bardhi, Enkelejd Alibeaj, Oerd Bylykbashi, Greta Bardeli dhe Saimir Korreshi.
Sa i përket anëtarëve zëvendësuesve janë emëruar Xhemal Qefalia, Klevis Xhoxhi, Blerina Gjylameti, Dhurata Tyli Çupi dhe Dashnor Sula.
Rëndësi gjatë seancës së sotme do të ketë votimi i ndryshimeve në marrëveshjen mes kompanisë së prodhimit të vaksinave anti-Covid, Pfizer dhe qeverisë shqiptare.
