Ish-kryeministri Sali Berisha ka falënderuar delegatët e qarkut të Fierit që sipas tij kanë mbrojtur procesin e mbledhjes së firmave për Kuvendin e 11 Dhjetorit. Berisha i ka bërë thirrje të gjithë delegatëve të bashkohen në këtë Kuvend Kombëtar që e cilëson si “ditëlindja e PD-së”.
“Falenderoj nga zemra delegatët firmëtarë të degëve Fier, Patos, Mallakastër dhe Roskovec për guximin dhe dinjitetin në administrimin dhe mbrojtjen e procesit të mbledhjes së firmave për Kuvendin e datës 11 Dhjetor, sikundër u bëj thirrje të gjithë delegatëve të bashkohen me ne në Ditëlindjen e Partisë Demokratike! Të bashkuar drejt Fitores!”, shkruan Berisha në Facebook.
Më herët, deputeti dhe ish-kreu i degës së PD-së në Fier, Luan Baçi tha para mediave se 640 delegatë të qarkut të Fierit kanë firmosur për të marrë pjesë në Kuvendin e 11 dhjetorit, të thirrur nga ish-kryeministri Berisha.
Discussion about this post