Dega e Partisë Demokratike në Tepelenë dhe Memaliaj ka publikuar emrat e delegatëve që kanë firmosur për Kuvendin e 11 dhjetorit të thirrur nga ish-kryeministri Sali Berisha.
Përmes një deklarate për mediat, Malo Sadikaj, anëtar i kryesisë së PD në Tepelenë, ka deklaruar se nga 44 delegatë, kanë firmosur 37 prej tyre. Ndërsa Bujar Kapllanaj, sekretar organizativ i PD në Memaliaj, tha se nga 58 delegatë kanë firmosur 47 prej tyre.
Ditën e sotme ish-kryeministri Berisha realizoi “Foltoren” e fundit me përkrahësit e tij, ku duke marrë shkak se Dita e Rinisë, në takim ishin të rinj dhe studentë të vitit ’90. Vetë Berisha i bëri thirrje delegatëve të PD-së t’i bashkohen Kuvendit të 11 dhjetorit që do të zhvillohet në stadiumin “Air Albania”.
Discussion about this post