Kuvendi i 11 dhjetorit, publikohen emrat e delegatëve të degës 3 dhe 6

Pas disa lajmeve të shumta që kanë qarkulluar në media lidhur me legjitimitetin e firmave të Kuvendit të 11 dhjetorit, sot janë publikuar emrat e disa delegatëve në degët 3 dhe 6 në Tiranë.

Në prani të medias, janë lexuar emrat e delegatëve të cilët kishin kërkuar që emrat e tyre të bëheshin publik, për të treguar se ato kanë firmosur për Kuvendin e 11 dhjetorin dhe hedhur poshtë zërat e falsifikimit.

Lista është lexuar para zyrës së kryetarit të këshillit kombëtar të PD-së, Edi Paloka, aty ku dhe janë depozituar 4200 firmat që ish-kryeministri Sali Berisha ka mbledhur për Kuvendin e 11 dhjetorit.

Ky lexim i emrave erdhi pasi ditën e djeshme dy delegatë të degës 5 dhe 7 në kryeqytet, nxorën blof deputetin Agon Shehaj duke hedhur akuza të rënda se firma e tyre ishte falsifikuar dhe se nuk kishin firmosur për “Kuvendin e Berishës”.