Partia Demokratike ka depozituar pranë Gjykatës së Tiranës kërkesën për pasqyrimin e ndryshimeve të statutit të partisë dhe organeve të reja, të zgjedhura në Kuvendin Kombëtar të datës 17 korrik.
Mësohet se, Gjykata e Tiranës ka regjistruar çështjen dhe tashmë pritet shqyrtimi i saj gjyqësor në bazë të ligjit. Ndërkohë, bëhet me dije se gjyqtare e kësaj çështjeje do të jetë Blerina Muça.
“Ditën e djeshme, është depozituar në Gjykatën e Tiranës, Dhoma Civile, kërkesë nga Partia Demokratike e Shqipërisë, për pasqyrimin e ndryshimeve të statutit të Partisë dhe të organeve të reja, të zgjedhura në Kuvendin Kombëtar të datës 17.07.2021. Çështja është regjistruar dhe shortuar pranë kësaj gjykate dhe do t’i nënshtrohet shqyrtimit gjyqësor në bazë në ligjit. Gjyqtare e çështjes është Znj. Blerina Muça”, thuhet në njoftim.
Ky vendim ka ardhur vetëm pak orë pas deklaratës së ish-kryeministrit Berisha, i cili tha nga selia blu se ndryshimet e bëra në statut në Kuvendin e 11 dhjetorit do të dërgoheshin së shpejti në gjykatë. Kjo deklaratë ka vënë në lëvizje PD-në zyrtare, e cila ka depozituar e para këto ndryshime.
Discussion about this post