Deputeti i Partisë Demokratike Agron Gjekmarkaj e konsideron 18 dhjetorin e Kuvendit Kombëtar si mundësi ribashkimi të dy “fronteve” që janë krijuar në selinë blu Basha-Berisha.
“Kongresi i datës 18 është mundësia që të mundim përçarjen dhe t’i japim një shans bashkimit. Në rastin më të mirë konflikt me SHBA është folklor në rastin më të keq e dini vetë”, ka shkruar ai.
Teksa ka bërë një analizë për krizën brenda demokratëve Gjekmarkaj sjell në kujtesë ndarjen e këtyre dy fronteve dhe mbështetjen e tij krah Bashës.
Sipas tij në datë 9 ndryshoi gjithçka pasi sipas tij Sali Berisha nuk përballoi dot betejën me SHBA-në dhe iu”hodh” Bashës.
“E mbështeta vetëm unë me shkrime. Pas datës 9 Shtator ndryshoi gjithçka. Filluan problemet e statutit, filloi kriza. E nisi Sali Berisha për arsye personale. Mua nuk do më dëgjoni kurrë duke sharë Sali Berishën konsideroj personalitet politik me shqisa unike por gjykim kam. Ai e di që nuk e fiton betejën me SHBA dhe ka filluar betejën me Lulzim Bashën. Ndaj duke parë këtë kontekst moral vendosa të marr ane dhe të mbështes zgjedhjen e Bashës”, ka deklaruar ai.
Thirrjen për Kuvend të PD-së, nga ana e kryedemokratit, Gjkmarkaj e konsideron tërësisht legjitime, ndërsa ka shtuar “Hajdeni të mblidhemi të gjithë ! Ta bëjmë atë të vërtetë! Ta rindërtojmë PD-në”.
“Po ky kuvend është një legjitimim i Foltores. Jam i sigurtë që nuk do bëhej kurrë nëse nuk do ishte ky presion dhe kjo krizë. Ky kongres është legalizim i krizës dhe dëshirës suaj. Berisha e vendosi vetë datën 11 nuk pyeti asnjeri. PD mund të ketë organe të këqija, kryetar me probleme , kryesi të paaftë por ama këto kemi dhe këto po e legalizojnë kongresin”, ka deklaruar ai.
Discussion about this post