Jonila Godole ka reaguar përmes një postimi në rrjetet sociale lidhur me Kuvendin Kombëtar të thirrur sot nga Lulzim Basha, ku u miratuan ndryshimet në statut dhe anëtarët e Këshillit Kombëtar.
Godole shprehet se Kuvendi i sotëm i PD-së është një proces i komanduar me urdhër nga lart dhe pa diskutime konstruktive.
Sipas saj, ndryshimet statutore të ditës së sotme, e bëjnë PD-së e drejtuar nga Lulzim Basha, përsëri PD-në e “Njëshit”.
“Kuvendi i sotëm i PD-së?
I gjithë procesi i komanduar me urdhër nga lart, pa diskutime konstruktive, dhe me ndryshime statutore të atilla që e bëjnë PDnë e Bashës përsëri PDnë e Njëshit, siç ka qenë para tij, larg standarteve demokratike për një alternativë ndryshe”, shkruan Godole.
Discussion about this post