Një ditë pasi Kuvendi Kombëtar i thirrur nga ish-kryeministri Sali Berisha vendosi në shumicë votash shkarkimin e kreut aktual të PD, Luzim Basha, ky i fundit ka vendosur të mos qëndrojë duarkryq.
Basha deklaroi ditën e djeshme se nuk njeh vendimet e Kuvendit, ku dhe njoftoi se ka vendosur marrjen e disa masave dhe shkarkimin e anëtarëve që ishin të pranishëm në atë takim.
Vetë lideri demokrat njoftoi se ka thirrur sot Këshillin Kombëtar në orën 15:00, nga ku edhe bëri me dije se pritet shkarkimi i kryetarit të Këshillit Kombëtar, Edi Paloka dhe anëtarëve të Kryesisë që dolën kundër tij. Bëhet fjalë për 11 anëtarë që pritet të shkarkohen nga Këshilli me propozim të Bashës. Ata janë: Edi Paloka (Kryetar i Këshillit); Belind Këlliçi; Ivi Kaso; Albana Vokshi; Aldo Bumçi; Gent Strazimiri; Gert Bogdani; Oerd Bylykbashi; Flamur Noka; Ervin Minarolli; Ledina Mandia dhe Tomorr Alizoti.
Pas Kuvendit dje që votoi me 4446 fleta pro shkarkimit të Bashës, u ngrit edhe një grup Komisioni i Përkohshëm me 29 anëtarët për të nisur të gjitha procedurat e nevojshme deri në momentin e zgjedhjes së një lideri të ri.
Ky Komision do të drejtojë partinë deri më 22 mars 2020 kur do të thirret një Kuvend i ri për të zgjedhur lidrin e ri të PD dhe funksionarët e tjerë.
Discussion about this post