Talenti i Kombëtares shqiptare, Armando Broja është duke shkëlqyer në Premier League dhe për këtë arsye është kthyer në një nga emrat më të diskutuar në Angli.
Statistikat dhe forma e tij kanë bërë që 20-vjeçari të jetë kryetemë i mediave të huaja, të cilat nuk kanë nguruar të thurin elozhe për të.
‘Breakingthelines’ ka analizuar shqiptarin për të cilin ka thënë se ka dalë nga një laborator sekret, si të gjithë yjet më të mëdhenj të Premier League.
“Mund të thuhet shumë për Cobham. Për ata që nuk e dinë se çfarë është Cobham, është një laborator sekret diku në Londrën Perëndimore që nxjerr futbollistë të nivelit elitar dhe që duken jo normal. Megjithatë, me gjithë seriozitetin, lavdërimet nuk mund të shkojnë në një drejtim të vetëm. Stafi stërvitor, infrastruktura, klubi dhe vetë lojtarët meritojnë të gjithë lëvdata të barabarta. Linja e gjatë e lojtarëve të Cobham që ka shpërthyer në skenën e Premier League është mjaft e madhe. Fituesit e Ligës së Kampionëve të Mason Mount, Reece James, Callum Hudson-Odoi, Tammy Abraham dhe Andreas Christensen janë më të famshmit në qarqet e Chelsea. Si përfundim, nëse Armando Broja luan më shpesh në Premier League, nuk ka dyshim se ai do të tregojë përmirësim ndeshje pas ndeshje. Të bësh gol 3 herë në 480 minuta dhe të jesh 19-vjeç nuk është diçka e vogël. Ndërsa kimia organike e Southampton-it përmirësohet, po ashtu do të përmirësohet edhe prodhimi i Brojës. Mbani një sy për të, në fund të fundit, do të ishte marrëzi të dyshonit te Cobham”, -shkruhet ndër të tjera në artikullin dedikuar Broja-s./K.T/Gijotina.com
Discussion about this post