Dy ditë më parë Kuvendi i Shqipërisë miratoi buxhetin 2022, duke mos pranuar asnjë nga nismat e PD, por as propozimet e Erion Braçes. I revoltuar nga ky qëndrim i qeverisë ka reaguar ditën e sotme
Ish-zëvendëskryeministri, shkruan sot në Facebook se ai propozoi disa ndryshime që do jepnin më shumë mbështetje për qytetarët dhe në asnjë moment nuk ka shkelur parimet e PS. Sipas tij, Kuvendi rrëzoi me pa të drejtë dhe me justifikime të kota propozime të vlershme. “7 muaj më parë ishim në zgjedhje; folëm me njerëzit, dëgjuam, diskutuam, u angazhuam ndaj tyre sy më sy! Na votuan! Mua në fshat siç shumë kolegë të mi! Tani një pyetje kam: Cili qëndrim e propozim i imi dje në kuvend nuk ishte ndarë me bujqit e të tjerë njerëz në fushatë? Cili? Cili qëndrim e propozim i imi nuk ishte i majtë dhe doli jashtë parimeve të PS? Cili”, shkruan ai.
Sakaq, duke theksuar se do vazhdojë të mbajë qëndrimet e tij për mos rritjen e TVSH, si dhe për uljen e çmimit të naftës së gazit, Braçe u shpreh se ai nuk do t’i lërë në balë qytetarët ashtu sikur po bën Parlamenti. “Nuk rriten tatimet e taksat mbi imputet bujqësorë kur çmimet e tyre për të 8 muaj rresht janë në rritje-qëndrimi im për TVSH 10% për imputet bujqësore. Nuk mundet që furnizimi me naftë për jahtet të jetë i favorizuar me një barrë fiskale më të ulët se sa çdo furnizim tjetër. Unë nuk i le njerëzit në baltë”, shkruan ai. Kujtojmë se dhe gjatë diskutimit të buxhetit në komisione, Braçe është përplasur ashpër me ministren e Financave mbi paketën fiskale dhe shpërndarjen e fondeve.
Discussion about this post