Anëtari i Këshillit Kombëtar të Partisë Demokratike, Roland Bejko, në një intervistë për mediat ka folur për Kuvendin e 18 dhjetorit thirrur nga Lulzim Basha. Rolannd Bejko thotë se Kuvendi i thirrur nga kryetari i Partisë Demokratike, Lulzim Basha ditën e shtunë është ngjarja e vitit, pasi PD do të ndahet nga e shkuara.
“Kuvendi i së shtunës është ngjarja e vitit jo vetëm për faktin që PD do të ndahet nga e shkuara e shumë diskutueshme që i ka bërë shqiptarët të hezitonin t’i qaseshin PD-së. Çfarë është berishizmi? Nuk është thjesht një metaforë. Por është diçka midis një pozicioni autotarist dhe gjysëm demokrat në drejtim. Berishizmi e ka sjellë PD-në në pushtet 2 herë. Por tashmë jemi në kohëra tjera ku duhet tjetër filozofi” – tha Bejko.
Ndër të tjera, Roland Bejko shprehet se ‘Berishizmi’ si filozofi na ka çuar në pragun e Europës, por për të hyrë aty duhet të ndahemi nga kjo filozofi.
“Me Berishizmin erdhëm deri në pragun e Europës, por për të hyrë brenda duhet të ndahemi me të Partia pas 8 vitesh në opozitë do të kemi vetëm një kryetar. Për herë të parë Basha do të jetë i vetëm jo me bashkë kryetar me zotin Berisha. Mendoj se është vetëm jo vetëm me aktin e 9 shtatorit por dhe nga prononcimi i pardjeshëm. Unë kam kohë që dal në media dhe analizoj situatën brenda PD-së, dhe jap ndonjë këshillë. Por sugjerimi im për zotin Basha ka qenë të flasë hershëm, menjëherë sapo Berisha foli për të. Por zoti Basha ka tjetër kulture” – u shpreh më tej Bejko.
Discussion about this post