Kuvendi ka mbajtur një minutë heshtje për ndarjen nga jeta të ish-presidentit Bujar Nishani, i cili u nda nga jeta ditën e shtunë në një spital në Gjermani.
“Të nderuar kolegë në nder të ish-presidentit Bujar Nishani, ish ministrit, kolegut tonë në këtë parlament ju ftoj të mbajmë një minutë heshtje për largimin parakohe të tij nga jeta. I paharruar qoftë!”, tha nënkryetarja Ermonela Felaj.
Bujar Nishani ndërroi jetë teksa po kurohej në spitalin universitar Charite në Berlin, një ndër spitalet më të mira në Gjermani, por shëndeti i tij u përkeqësua për shkak të insuficiencës polmonare të theksuar, e cila solli dhe vdekjen e tij të shtunën.
Për ndarjen e tij nga jeta pati një numër të madh mesazhesh ngushëllimi, jo vetëm nga politika shqiptare, por edhe nga institucione të rajonit dhe ato ndërkombëtare.
Discussion about this post