Kuvendi i Shqipërisë ka pranuar kërkesën e Partisë Demokratike për grupin e saj parlamentar, duke lënë zyrtarisht jashtë ish-kryeministrin Sali Berisha.
Kuvendi ka legjitimuar kështu kërkesën e PD-së, e cila përjashtoi nga grupi i saj parlamentar deputetin Berisha, pas vendimit personal të Lulzim Bashës duke shkaktuar debate të ashpra.
Berisha është betuar si deputetit i Parlamentit të Shqipërisë nën siglën e PD, por pas vendimit të Kuvendit, pritet të deklarohet si deputet i pavarur. Ndërkohë që, mësohet se ish-kryeministri nuk mund të formojë grup tjetër parlamentar pa kaluar 6 muaj.
Pasditen e sotme Berisha nis turin e tij të takimeve me demokratët e bazës, fillimisht në Tiranë e më pas në qytetet e tjera të Shqipërisë, për t’i rikthyer PD sovranitetin dhe lavdinë e dikurshme.
