Personi që po shikoni në foto është Eni Dollani, 31-vjeçari që u vra dhe u gropos dy ditë më parë në Greqi.
Sot, mediat greke bënë me dije se për krimin në fjalë është vënë në pranga një shqiptar dhe partnerja e tij greke. Në kërkim është shpallur një 24-vjeçar.
Sipas mediave greke, synimi i autorëve ka qenë grabitja e shqiptarit, pasi natën e krimit, 31-vjeçari kishte shumë para me vete, rreth 10 mijë euro.
Fillimisht viktima dhe autorët janë takuar dhe kanë nisur të argëtohen në një klub nate në Kyparisia. Autorët e kanë kuptuar që Dollani kishte shumë para me vete dhe kur kanë dalë nga lokali, e kanë çuar 31-vjeçarin në plazhin e Kartelës.
Lexo edhe Shqiptari u gjet i groposur në Greqi, arrestohet 30-vjeçari dhe partnerja
Aty e kanë goditur disa herë me një send metalik në kokë, duke e vrarë. Më pas i varrosën trupin në rërë, i morën paratë dhe u arratisën. Por, gjurmët që kishin lënë në vendin e ngjarjes, zbuluan krimin.
Discussion about this post