Një fermer 31-vjeçar nga Shqipëria, u gjet i groposur në plazhin e Kartelës në Kyparisia të Greqisë. Ndërkohë policia e Sigurisë së Kalamatës ka mbërritur në gjurmët e autorit.
Bëhet fjalë për një shqiptar 30-vjeçar dhe një greke 30-vjeçare. Në kërkim është dhe bashkëpunëtor një tjetër 24-vjeçar rom. Sipas të dhënave të marra nga hetimi policor, motivi i autorëve ka qenë grabitja.
Sipas eleftheriaonline, viktima dhe autorët dyshohet se janë argëtuar mbrëmjen e së dielës në një lokal në Kyparisia. I ndjeri dyshohet se ka pasur në posedim një shumë të madhe parash, që arrin në 10 mijë euro.
Lexo edhe: Ekzekutohet shqiptari në Greqi / Detajet
Autorët duket se e kanë kuptuar këtë dhe kur grupi ka dalë nga lokali e kanë çuar 31-vjeçarin në plazhin e Kartelës. Ku e kanë goditur disa herë me një send metalik në kokë, duke e lënë të vdekur. Më pas ata e varrosën trupin në rërë për të fshehur veprën e tyre.
Që në momentet e para, autoritetet policore kanë shoqëruar disa persona. Kanë marrë deklarime dhe më në fund kanë mbërritur në identifikimin dhe gjurmët e autorëve.
30-vjeçari shqiptar dhe 30-vjeçarja greke janë pikasur dhe arrestuar mbrëmjen e së martës në afërsi të Zevgolatio të Bashkisë Oichalia. Ndërsa 24-vjeçari është ende në kërkim.
Në fakt dy të arrestuarve iu gjetën gjithsej 5300 euro, të cilat dyshohet se vijnë nga grabitja e viktimës.
Ndaj dy të arrestuarve dhe ndaj 24-vjeçarit është ngritur një hetim për vrasje dhe grabitje.
Të arrestuarit me dosjen e ngritur në ngarkim të tyre u dërguan në prokurori, ndërsa hetimet e policisë vijojnë nga Drejtoria e Sigurimit të Kalamatës.
Discussion about this post