Federata Ndërkombëtare e Historisë dhe Statistikave të Futbollit (IFFHS), ka shpallur Carlo Ancelotti-n si trajnerin më të mirë në botë për vitin 2022.
Për trajnerin italian ky është trofeu i tretë pasi e ka fituar këtë çmim në 2007-ën (Milan) dhe në 2014-ën (Real Madrid).
Trajneri i “Los Blancos”, i cili fitoi Champions League, kampionatin, Superkupën e Evropës dhe Superkupën e Spanjës, i paraprin Pep Guardiolës, trajnerit të Manchester City, i cili përfundoi në vendin e dytë dhe Walid Regragui, trajner i Marokut.
Në vendin e katërt renditet Jurgen Klopp i Liverpool-it dhe i pesti Jose Mourinho i Romës.
Discussion about this post