La foshnjën në kosh plehrash, nëna 22-vjeçare kishte braktisur…

Detaje të reja janë zbardhur nga ngjarja e rëndë e ndodhur të shtunën në Durrës.

Një foshnjë u gjet e braktisur në Golem nga një qytetar.

Deri më tani bëhet me dije se foshnja kishte qëndruar e braktisur pranë koshit të mbeturinave për disa orë në afërsi të rotondos në hyrje të Golemit derisa u gjet nga qytetari, i cili më pas e dërgoi në maternitetin e Durrësit, ndërsa aktualisht foshnja vajzë ndodhet e shtruar në pediatri.

Para pak kohësh nëna e foshnjës ka braktisur dhe një fëmijë 3 vjeç, i cili është marrë në kujdes të shërbimit social. Policia vijon ende kërkimet për arrestimin e 22-vjeçares e cila rezulton se më herët ka jetuar në Tiranë dhe më pas është shpërngulur në Durrës.

Nuk kanë gjetur ende ndonjë familjarë apo të afërm të nënës 22-vjeçare për ta vënë në dijeni lidhur me situatën. Hetimet sa i përket gjetjes së 22-vjeçares janë shtrirë në disa qytete, kryesisht në Tiranë dhe Durrës.