La Liga, shqiptarët që pritet të luajnë titullarë sot

La Liga do të rikthehet sot pas pushimit të ndeshjeve të kombëtareve, me sfidë Levante-Athletic Bilbao.

Këto dy skuadra do të përballen me për javën e 14 të La Ligas, ndërsa me vendasit pritet të zbresin në fushë që nga minuta e parë dy lojtarë shqiptarë.

Enis Bardhi kaloi një super periudhë me Kombëtaren e Maqedonisë së Veriut, duke e ndihmuar përfaqësuesen e tij të kaloi në raundin e ‘Play-off-it’ të Botërorit ‘Katar 2022’, ndërsa ishte pjesë e 11-shes më të mirë të kualifikueseve.

Mesfushori po kalon në një super formë dhe pritet që këtë ndeshje ta nisë si titullar dhe të ndihmojë Levanten në marrjen e rezultateve pozitive.

Shkodran Mustafi nga ana tjetër, që u bashkua me spanjollët në merkaton e kësaj vere, ka kaluar dëmtimin gjatë pushimit të ndërkombëtareve dhe tashmë është i gatshëm që të zbresë në fushë që nga minuta e parë.

Kjo sfidë ka për të qenë goxha e vështirë për ekipin e Leavntes që renditet në vendin e 19 të La Ligas me vetëm 6 pikë, ndërsa kundërshtarët e tyre të këtij raundi qëndrojnë në vend të 8 me 18 pikë./K.T/Gijotina.com