Ditën e sotme ish-zyrtari i Lëvizjes Socialiste për Integrim, Vojo Bregu ka ndarë pamjet nga laboratori ku certifikohen farërat dhe fidanët të cilët kanë dy muaj që nuk punojnë. Këtë herë, Vojo ka bashkangjitur dhe postimin e ministres Milva Ekonomit, të cilën e quan Ekonomin si ministren më të paaftë.
“Ministrja më e paaftë që ka pasur ministria e Bujqësisë që ditën e krijimit të saj, ka postuar investimet që do të bëhen për laboratorë në buxhetin e vitit 2022.Si duket ka harruar që me urdhër të saj, për arsye të fshehura korruptive, në Dhjetor 2020, i hoqi laboratorin për kontrollin e bimëve dhe fidanëve UBT, për ta mbyllur përfundimisht.
Aktualisht në Shqipëri për shkak të kësaj të paafte, që nga Dhjetori i 2020, nuk ka laborator shkencor, për certifikimin e fidanëve dhe farërave!!! Çdo fidan apo farë që prodhohet në vend apo vjen nga jashtë nuk testohet. Që nga Dhjetor 2020, çdo regjistrim bëhet fiktivisht. Lehtësisht e verifikueshme. Ftoj SPAK qe kryesisht të hetojë këtë dëm të pariparueshëm që i është bërë bujqësisë shqiptare nga kjo ministre”, shkruan ai.
Mbrëmjen e djeshme Ekonomi ka ndarë investimet që qeveria do bëjë me buxhetin e 2022 për laboratorët, mirëpo ai në Universitetin Bujqësor të Tiranës është mbyllur duke bërë që të mos ketë laborator shkencor për certifikimin e fidanëve dhe të farërave. Bregu kërkon nga SPAK që të nisë hetimet për këtë dëm që sipas tij është i pariparueshëm e që është kryer nga Ekonomi.
Discussion about this post