Ka përfunduar me dy gola ndeshja e javës së 15 të Superligës mes Laçit dhe Kastriotit, me vendasit që e kishin shumë të thjeshtë të merrnin këtë fitore.
Vendasit ia kanë dalë që të marrin avantazhin që në minutën e 9 të lojës falë Regi Lushkjas, që ia doli të zhbllokonte shifrat.
Laçi ka dominuar thuajse të gjithë 45-minutshin e parë, ndërsa nga Kastrioti nuk mbeti gjë tjetër përveçse të tentonte të mbante të fortë mbrojtjen.
Nga skuadra e krutanëve u morën dy kartonë të verdhë me Bashën në minutën e 30 dhe Neziri në minutën e 32-ë.
Ndërsa pjesa e dytë e takimit ishte më e luftuar nga miqtë, por ishin kurbinasit ata që mundën të shënonin golin e dytë me Lushkjën që arriti të godiste sërish portën e kundërshtarëve dhe në të njëjtën kohë arriti të shënonte dopietë.
Ky takim ka përfunduar me shifrat 2-0 dhe Laçi kaloi kështu në vend të dytë në renditjen e tabelës me pikë të barabarta me Kukësin e vendit të tretë 27 secili, ndërsa ‘Verilindorët’ kanë një takim më pak, që do e zhvillojnë të enjten kundër Vllaznisë./K.T/Gijotina.com
Discussion about this post