Laçi dhe Anderlechti janë gati për t’u përballur mes tyre. Trajnerët Shpëtim Duro dhe Vincent Kompany kanë bërë edhe zgjedhjet e tyre.
Kurbinasit nuk kanë dy titullarë për këtë ndeshje, që nis në orën 19:00 në stadiumin “Elbasan Arena”.
Julian Shehu i pezulluar me kartonë të verdhë zëvendësohet nga Klinti Qato, kurse Mentor Mazrekaj i dëmtuar i lë vendin Ilir Ademit. Ky i fundit debuton sot me Laçin.
Pjesa tjetër e formacionit është ajo e zakonshmja për kurbinasit, me Guindo në sulm dhe Zarubica në të djathtë. Lushkja e Deliu nuk preken në mesfushë. Edhe mbrojtja është e njëjta, kurse në portë luan Sherri.
