Humbja ndaj Egnatias solli largimin nga posti i trajnerit të malazezit Vukiçeviç. Situata kaotike në radhët e Laçit nuk përfundon me kaq pasi golashënuesi më i mirë i ekipit Dejan Zarubica ka pësuar një dëmtim të rëndë. 28-vjeçari u largua nga fusha e lojës në minutën e 41 të takimit ndaj Egnatias.
Dëmtimi duket se do të jetë shumë problematik për futbollistin e kurbinasve teksa ekzaminimet e reja mjekësore do të tregojnë në të vërtetë kohën e rikuperimit. Në pesë javët e para të kampionatit, skuadra e Laçit ka grumbulluar vetëm dy pikë nga 15 pikë të mundshme. Një situatë e pazakontë në radhët e kurbinasve.
