Në mbledhjen e sotme të Komisionit Hetimor për hetimin e krimeve zgjedhore u vendos se cilët zyrtarë do të dëshmojnë për zgjedhjet parlamentare të 25 prillit. Lista fillon nga kryeministri Edi Rama, zv/kryeministrit Arben Ahmetaj, ministri i Brendshëm Bledi Çuçi, kreu i SPAK Arben Kraja, drejtuesin dhe ish-drejtuesin e policisë së Shtetit Gledis Nano dhe Ardi Veliu e deri te dy gazetarët Armand Shkullaku dhe Andi Bushati.
Kryetari i këtij komisioni Enkelejd Alibeaj deklaroi se hetimi do të sqarojë mënyrën e zbatimit të ligjit, përdorimin e funksioneve publike në funksion të zgjedhjeve, kuadrin ligjor për mbrojtjen e të dhënave personale si dhe hetimin e veprimeve dhe mosveprimeve të organeve publike. Ata do të japin sqarime në lidhje me disa pika të përcaktuara nga komisioni i drejtuar nga demokratët. “Hetimi do të sqarojë mënyrën e zbatimit të ligjit, përdorimin e funksioneve publike në funksion të zgjedhjeve. Hetimi do të hetojë kuadrin ligjor për mbrojtjen e të dhënave personale, cila janë subjektet që janë detyrimin për mbrojtjen e të dhënave personale”, tha ai.
Ndër të tjera, Alibeaj theksoi se, Komisioni hetimor do të përdorë të gjitha metodat e hetimit, përfshirë këqyrjen, kontrollin apo sekuestrimin e akteve pranë institucioneve përgjegjëse.
Lista e personave që do të thirren për të dëshmuar
Edi Rama
Arben Ahmetaj
Bledi Çuçi
Belinda Balluku
Ogerta Manastirliu
Emirjana Sako
Erion Veliaj
Arben Kraja
Olsian Çela
Ardi Veliu
Gledis Nano
Artan Lame
Lindita Karçanaj
Shkëlqim Hajdari
Rejda Kashta
Sokol Zaimi
BledaR Doracaj
Albana Koçiu
Adrian Çela
Laert Duraj
Besnik Dervishi
Erinda Ballanca
Armand Shkullaku
Andi Bushati
