Laert Haxhiu, i cili është në pritje të ekstradimit nga Greqia drejt Shqipërisë, pretendon se Aldo Bare ka një plan për ta vrarë.
Madje sipas tij, Aldo Bare ofron 1 mln euro për ta hequr qafe. Paralajmërimi është bërë nga mediat greke, që i referohen deklaratave të Haxhiut në organet e drejtësisë, ku pretendon edhe për shumën që Aldo Bare ka ofruar për ta ekzekutuar.
Pas këtij deklarimi, Laert Haxhia është transferuar nga burgu i Janinës në Koridhalo.
“‘Aldo Bare paguan të më vrasë për hakmarrje për vrasjen e 2-fishtë në Lushnjë në 2017’- ka deklaruar Laert Haxhiu. Ai ka njoftuar zyrtarisht organet e drejtësisë greke se Aldo Bare po paguan gjithçka për ta vrarë, ndërsa nuk ngurron të përmendë se mes tyre ka një hakmarrje që pikon plumba, gjak dhe urrejtje të pashuar.”, shkruhet në një artikull të medias greke nga gazetari Vassilis Chitos.
Në të njëjtin artikull thuhet se Haxhiu thotë se arsyeja që Aldo Bare kërkon ta heqë qafe lidhet me masakrën e Lushnjës.
Haxhiu akuzohet për “masakrën e Lushnjës” e ndodhur në shtator të 2017 ku humbën jetën Jurgen Hoxha dhe Zamir Latifi. Sipas SPAK në shënjestër të atentatit ishte Xhulio Shkurti nipi i Aldo Bares.
Pikërisht për këtë arsye, media greke shkruan se Haxhiu pretendon se Aldo Bare kërkon të marrë hak dhe ofron 1 mln euro për vrasjen e tij. Shkurti i shpëtoi bresherise së plumbave pasi u ngrit nga tavolina ku ishin dy miqtë e tij qe humben jetën.
Laert Haxhiu është arrestuar në Gerqi dhe është në pritje te vendimit te gjykatës se Apelit Grek nëse do të ekstradohet në vendin tonë.
Por gazetari grek hedh dritë mbi disa fakte të reja.
“Shqiptari ndodhet nën statusin e mbrojtjes, ndërsa ka fatura të hapura me organet greke, pasi emri i tij është i përfshirë në dy vrasje të bashkatdhetarëve të tij, të kryera në afërsi të sheshit Karaiskaki.
Hetimi për këto “kontrata” është edhe arsyeja pse ai nuk është ekstraduar në Shqipëri, ndonëse është arrestuar që në majin e kaluar, duke u ndjekur me “identitet grek” në Janinë”, shkruan gazetari.
Disa javë më parë Prokuroria e Elbasanit dorëzoi në SPAK dosjen e Laert Haxhiut me akuzën se ai dhe bashkëpunëtorët e tij kanë kryer 16 vepra penale në formën e grupit kriminal. Pjesë e dosjes, janë tri dëshmitë e të penduarit Marjus Tafani që fundosi kreun e bandës duke zbuluar se ai ka tentuar të vrasë edhe dy prokuroret që po e hetonin.
Më 1 qershor 2021 u ekzekutua në Tepelenë, biznesmeni Çajup Selimi. 45-vjeçari, i cili zotëronte një dyqan me shumicë me prodhime gruri, është qëlluar me armë zjarri. Më 13 maj 2021 vritet në Korçë Fridman Xhaferraj. 25-vjeçari është qëlluar me armë zjarri dhe më pas trupi i tij është hedhur në rezervuarin e Gjançit. Alban Semaku, 38 vjeç, u gjet i vrarë më 17 tetor 2021. Ai njihej si ‘Elton Kinezi’ dhe ishte anëtar i bandës famëkeqe të Lusnias. Ai u vra pesë muaj pas lirimit. Albi Bashaliu u ekzekutua më 27 dhjetor 2021. 35-vjeçari u vra me armë në fshatin Gjoçaj të Peqinit.
Ka dyshime se krimi është kryer për hakmarrje, pasi vëllai i viktimës kishte vrarë 44-vjeçarin Albert Xhahysaj. 32-vjeçari organizoi edhe një sërë sulmesh me bomba në Tiranë dhe Durrës, ndërsa rrëfimi i xhelatit të penduar tregon se ai synonte të vriste edhe prokuroren Dolores Mousabeliou.
Laert Haxhiu u kap më 22 maj 2023 në zonën e Eleuzës së Janinës. Gjithçka ka nisur kur efektivët e policisë i kanë bërë shenjë drejtuesit të mjetit që të ndalojë, por ai nuk është bindur, duke shkelur gazin.
Gjatë ndjekjes, automjeti u përplas me tre automjete, u bllokua në një semafor dhe përfundimisht u ndal kur goditi një bordurë dhe i shpërtheu një gomë, duke shkaktuar hapjen e airbagëve. Më pas, policia ka arrestuar drejtuesin dhe dy pasagjerët e tjerë të mjetit, mes të cilëve edhe pasagjerin 32-vjeçar.
Discussion about this post