Lagja 10 korriku në Vlorë është lënë në harresë nga bashkia, pasi rrugët vazhdojnë të jenë prej muajsh të paasfaltuara dhe pa ndriçim. Banorët e kësaj lagje kanë dalë në protestë ditën e sotme, të cilët të revoltuar shprehen se nëse nuk asfaltohet rruga, ata nuk do të marrin pjesë në zgjedhjet e ardhshme lokale.
“Ne nuk do të marrim pjesë në procesin e votimit të ardhshëm për asnjë parti. Këtu nuk është investuar asnjëherë, edhe pse ne paguajmë taksat. Na gënjejnë ia kanë marrë dorën me gënjeshtra”, tha një protestues.
Qytetarët po ashtu kanë deklaruar se kjo rrugë në dimër nga shiu bëhet me baltë dhe e pakalueshme, ndërkohë që në verë nuk hapen dot dritaret pasi i gjithë tymi i krijuar nga makinat që lëvizin futet në shtëpi.
“Unë vetëm rrugën dua. Në dimër ka baltë, ndërsa tani i mbajmë dritaret mbyllur se mbushet me pluhur”, tha një tjetër protestues.
Discussion about this post